«Բնության հատուկ պահպանվող տարածքների բուֆերային գոտիների կայուն զարգացում և գյուղական համայնքներում աղքատության նվազեցում» ծրագրի շրջանակում կազմակերպվում է ֆինանսների և մարքեթինգի գործնական դասընթաց։

Դասընթացը տեղի կունենա 2026 թվականի հոկտեմբերի 7-ին՝ Վայք քաղաքի «Լիդեր» հյուրանոցի հանդիպումների դահլիճում։

Ովքե՞ր կարող են մասնակցել

Դասընթացին կարող են դիմել ծրագրի թիրախային 19 բնակավայրերի բնակիչները, որոնք արդեն իրականացնում են կամ ցանկանում են սկսել եկամտաբեր գործունեություն։ Մասնակցությունը նախատեսված է՝

• գործող և նորաստեղծ փոքր բիզնեսների ներկայացուցիչների,
• անհատ ձեռնարկատերերի,
• կոոպերատիվների անդամների և ստեղծվող կոոպերատիվների նախաձեռնող խմբերի,
• ֆերմերների և տեղական արտադրողների,
• ձեռնարկատիրական գաղափար կամ համայնքային տնտեսական նախաձեռնություն ունեցող անձանց համար։

Անցկացման մանրամասները

Ամսաթիվ՝ 2026 թվականի հոկտեմբերի 7

Վայր՝ «Լիդեր» հյուրանոցի հանդիպումների դահլիճ

Հասցե՝ Ջերմուկի խճուղի 6, Վայք 3801

Գրանցումն արդեն բաց է

Մասնակցության տեղերը սահմանափակ են։ Խնդրում ենք նախապես լրացնել գրանցման հայտը։ Հայտերի ուսումնասիրությունից հետո ծրագրի թիմը կապ կհաստատի ընտրված մասնակիցների հետ և կտրամադրի մասնակցության վերաբերյալ մանրամասն տեղեկություններ։

Գրանցվել 

Ծրագրի մասին

Ծրագիրն իրականացվում է Վայոց ձորի մարզի Վայք և Ջերմուկ համայնքների 19 գյուղական բնակավայրերում՝ նպաստելով բնական ռեսուրսների կայուն կառավարմանը, կենսաբազմազանության պահպանությանը և տեղական տնտեսական հնարավորությունների զարգացմանը։

Ծրագիրը նախաձեռնվել է Գերմանիայի բնության պահպանության միության (NABU) կողմից և իրականացվում է Գերմանիայի տնտեսական համագործակցության և զարգացման դաշնային նախարարության (BMZ) և ԱԿԲԱ բանկի աջակցությամբ։ Հայաստանում ծրագիրն իրականացնում են «Հանուն մարդկանց և բնության հայկական ասոցիացիա» (FPAN) և «Էկո-Գլոբ» բնապահպանական հասարակական կազմակերպությունները։

Ֆինանսավորող և գործընկեր կազմակերպություններ